Në ndeshjen e parë historike të ekipit kuqezinjë, djemët tanë u ndan me një barazim 2-2 ndaj Bollmora IKF, ekip qe vitin e kaluar garonte ne një ligë më lartë.

Ekipi u fut në ndeshje me mungesa të shumta, prej nga portieri i parë e deri tek pozitat tjera. Në fillim te ndeshjes kundershtari mbante topin më shumë por pa krijuar raste për vete. Të vetmet raste e krijuar vinin nga gabimet individuale e djemëve tanë.

Ndërsa goli i parë historik do të vinte pas një kundersulmi shumë të bukur kur mesfushori ynë Fredik Sandell u gjend në pozitë të kërkuar për ta goditur një top nga e majta dhe 1-0 ishte fakt, rezultat me të cilin edhe u kry pjesa e parë.

Në pjesën e dytë kundershtari i ndezi motoret e vet dhe vazhdoi dominimin me posedim te topit, por ende mungonin raste te pastra. 1-1 nderkaq erdhi pas një gabimi fatal kur nje gjuajte e lirë nga më së 40 metra ra direkt në gol.

Por djemët nuk u dorëzuan dhe vazhduan me kundërsulme të rrepta, 2-1 erdhi pas një harkimi në zonë ku topi përfundoj tek Kastriot Berisha e cili edhe shenoj. Pastaj 20 minutat e fundit të lojes u karakterizuan nga presingu masiv qe iu bë djemëve tanë të cilët bënin ballë deri tek minuta 86 kur një korner ra në mes te zones sonë dhe pasiviteti në momentin jetik rezultoj në 2-2.

Rezultati si i tillë ishte dëshpërues në menyren se si e lëshuam në momentet e fundit, por në përgjithësi nuk ishte e padrejtë duke mar parasysh qe kundershtari në lojë ka qenë ekipi më i mirë, edhepse djemët tanë paten rasten ta përfundojnë lojen me 3-1 kur në minutat e fundit e rroken shtyllen.

Javen e ardhshmë vijon ndeshja e dytë, kësaj radhe ndaj ekipit peruan Amauta, kësaj here në fushën tonë - Farsta IP.

Më i afti i gjithë ditës u tregua gjyqtari i ndeshjes, serbi Miodrag Davidovic i cili në krahasim me kolegët e vet në ketë nivel u tregua shumë i vendosur dhe e mbajti terë ndeshjën nën kontroll.

Marim rastin ti falenderojmë gjithë ata qe bënë udhëtimin deri tek Tyresö për t'a mbështetur ekipin, ju duam dhe shprësojmë qe herave tjera do t'ju sjellim fitore!